Sujet

2024: Ufstand usem Untergrund

Noch öber 60 Johr wärdid die flissige Husare-Zwärge usem Höfliondergrond vertrebe, 
am Rögge trägemr eusi Schätz ond was eus esch blebe. 
Kei Metleid ond Erbarme, 
drom trägemr Beckel ond Schufle ond griffed de Gmeind bim Loche onder d' Arme.

2023: Brand der Kappelbrücke

Vor 30 Johr hed euses Härz blüetet,
sFüür hed of de Chappellbrogg gwüetet.
För ehre muetig Ihsatz im Flammemeer,
zelebriered mer Husare stolz d› Lozärner Fürwehr.

2022: Husaren Orden St. Leodegar

Langi Ziit hends gwirkt im verborgene,
De Patron Sankt Leodegard und sin Orde.
S Ziel de Schutzvo Lozärn und Fasnacht,
So entfaltet sech Kultur in voller Pracht.

2020: 60. Jahre Rotsee-Husaren

1960 send mir Husaren gebore,
hend d'Liedeschaft de Fasnacht gschwore.
60 Johr musiziere, fiire und lache
de Husaresound wird ewig dör Gasse krache

2019: 100 Johr Zirkus Knie

100 Johr Zirkus Knie sind mir am fiire,
d'Clown tünt bereits z'Luzern gastiere.
Ob gross ond dünn oder chli ond rond
mir Husaren läbed Fasnacht so rechtig bont.

2018: "Unus pro omnibus, omnes pro uno"

Scho 1848 hend mir Schwizer gmerkt
als Bundeststaat do send mir gstärkt.
Alli Kantön vereint zum grosse Bund
d’Husare läbed Gmeinschaft ned ohni Grund.

2017: De Pegel Stiigt

D'Klimaerwärmig esch ned s'öberseh,
de Pegel stiigt am Vierwaldstättersee!
Gondolieri hend z'Lozärn alles im Griff,
au de Fritschi fiiret d'Fasnacht ufem Schiff.

2016: 500 Johr Reinheitsgebot

Vor 500 Johr hed mer zäme bestomme,
Bier wird us Hopfe, Malz & Wasser gwonne.
Bierbrauer & Mönche brenged jetzt ganz nöi,
noch alter Tradition braut‘s Husaren-Bräu.

2015: 150 Jahre Erstbesteigung Matterhorn

De Edward Whymper macht vor 150 Johr,
als erschts de Ufsteg ofs Matterhorn wohr.
s'Walliser Volk jubiliert i ehrer Tracht.
Es werd gfiired, gfäschtet ond glacht!

2014: Terrakottaarmee

Es Johr send's gstande im Museum in Bärn,
usbroche us ton & Sand, chömeds of Lozärn.
Vom 1.Kaiser Qín erbout ond jetzt erwache,
chond d‘terrakottaarmee go Fasnacht mache.

2013: Neandertaler

Ond wenn au d‘wält 2012 wär ondergange,
Mer husare hätted weder vo vore agfange.
Wiiterhin a de fasnacht met üsem wage,
Gömmer als neandertaler go mammut jage.

2012: Fusionsaufstand

Vor paar Mönet hend d‘Politiker no diskutiert,
öb Äbike met Lozärn fusioniert.
Was hätted sech die alte Buure au dänke debii?
a de Fasnacht wärdemer doch emmer Äbiker sii!

2011: Trojanisches Fass ohne Boden

s’Trojanische Pferd esch Höt es Fass ohni Bode,
drom send die Milliarde €uros nor so verfloge.
D’Grieche sötted die grosse Löcher ändlech stopfe,
ond de Zeus müesst dene chli uf d’Finger chlopfe!

2010: 50. Jahre Rotsee-Husaren

Es esch kei Scherz, es esch doch wohr,
d‘ Husare bestönd scho set 50 Johr!
Das werd gfiiret, es esch e wahri Pracht,
met Husare-Sound bes spot i d’Nacht!

2009: "Plan Lumière" Leuchtenstadt Luzern

Nostalgischi Latärne ghörid zor Stadt,
Designerlüchte send gar ned glatt!
Kei Kompromiss ond no weniger tüür,
send d'Liechtwächter mit richtigem Füür

2008: Alpenausverkauf 

Eusi Bärge ghörid bald nöm de Eidgenosse,
Alles werd verchauft, de Araber ond Russegnosse.
Au am Pilatus wärdid bald kei Chühe me grase,
nor no richi Araber mit Sawiris-Caddy’s omerase!

2007: Jetzt gohd Post ab!

Ihr alli könnid de grossi gälbi Ries,
bi dem do hed alles so sine Pris.
Mit neue Strategie gohd er wiiter,
drum jetzt mit Wage, Ross und Riter.
Alli Hörde werdid elegant umgange,
denn bim schaukle fallid keini Stange!

2006: Mozart besucht die Festival-Stadt Luzern

250 Johr wörd de Mozart im 06 wärde
d`Festivalstadt Lozärn ond mer Husare dünd drom met em wärbe

2005: Lozärner Ladeschlossgsetz wie im Mettelalter

Lozärn hed es Ladeschlossgsetz, das esch so en Sach
Trotz vellne politische Vorstöss ged immer alles ab de Bach
Us em tüüfschte Mittelalter stammt das cheibe Deng.
Mer frogid üs macht das i de hötige Ziit no en Senn?

2004: Wolfsjagd

2003: Gallia Ahoi - 90 Jahre Dampfschiff Gallia 

90 Johr wirds Dampfschiff Gallia scho,
jetzt hed mer sie zom Wasser use gno,
I de Werft duet si fiire ehre grossi Tag
do cha niemer gratuliere - das esch doch schad

2002: Frühenglisch 

2001: Virus 01

2000: Zeitreise

1999: Häxerich - 39 Johr Frauelos

Häxe gets au no Hötzutag,
för üs Manne sends e rechtigi Plag
Drum möcheds mer au wie vor Hundert Jahr
ond packed Sie a de lange Haar

1998: Gold 

1997: Hello China

Hongkong esch e grossi Kronkolonie
Das esch jetzt abem Sommer verbii
Drumdirigiert d`Queen i de stolze Pracht
Die englischi Hymmne met de gäle Macht

1996: D`Wendi im Vatikan

S'Zölibat esch ab höt verbi
chasch go hüürote wie no nie
Und för en gueti Planig i de Eeh,
nimms Verhüeterli wirsch es gseh
Alli chönd höt Geischtlechi wäred,
Muesch dech aber bi üs bewärbe!

1995: 35. Jahre Rotsee-Husaren

No voll im Schuss noch 35 Johre,
das esch eso bi de Husare.
Met Schall und Rauch dömer fiire,
bes alli eusi Guugi fönd afo giire

1994: Finanzhai

1993: Mer sammled Unterschrifte

Wotsch au Du e Initiative ergriffe
chasch nor de Rotsee-Husare pfiffe
Es Jugendhus, e Flüger oder dini Rue
Unterschrifte hemmer för alli gnue
Ob grüen besch, rot, blau oder gähl
Dini Wönsch send üs Befehl.
Anarchischt, alternativ, konservativ oder liberal
mer sammlid Unterschrifte i jedem Fall

1992: 500 Jahre Entdeckung von Amerika durch Christoph Kolumbus

1991: Frauenstimmrecht Appenzell

1990: 30. Jahre - Neptun vom Rotsee

1989: Sensationstransfer

1988: Carneval am Rotsee

1987: Geliebtes Ungeheuer mit Fee

Luegid so ne liebi Fee,
die muess me eifach gseh
Ufpasse tuet sie uf die Ungehürli
söscht macheds no dummi Tüürli
Er liebi Lüt, münd nid Angst ha
d'Unghürli tüend Eu nüd böses a.
sie wänd nur richtig luege,
as es uf dere Wält git's bsueche

1986: Wandernde Zigeuner

Lustig esch Zigünerläbe
aber zLozärn esch es denäbe
S Wegzieh vom Lido nach Ibach
für Wandernde e chlini Sach

1985: Jubiläum 25 Johr

Mer send foifezwänzgi jetz esch öppis los
doch au in Zuekunft blibed mer frauelos,
Aber das nor a de Fasnacht, ond wäred em blose
söscht düemmer d`Fraue natürlech härzlech liebkose

1984: Saurer Regen - Waldstärbe

Me hed`s doch gwösst, vor mängem Johr,
Em Wald, dem droht e grossi Gfohr.
Truurig esch`s, ond doch zom Lache.
well höt alli wei öppis mache.
Wenn`d ned bald afosch mett dänke,
am letsche Baum chasch DI go hänke.

1983: Lokalradio-Wällesaloot

Am Gschnörr vo Zöri, Basel, Bäärn,
verblöödid mer jo do in Lozäärn
drom tänkt höt au en chlynste Kaff
secher so en Huereaff
as lokale Radio,
anes eignigs Programm scho,
wo elei öis no cha diene,
nor - fendsch dä cheibe Sänder niene!

1982: Tellebueb oder Tellemeitschi

Es esch ke Wetz ond ned zom Lache!
D Schwyzer Gschecht esch nöi erschaffe!
D Lüüt frogid sech am Wertshuustesch,
öb de Tällebueb öppe es Meitschi esch?

1981: Wyber-Schwinget

Dir chrotte Wyber röttlid weder a de Manne-Bastion
Sie wend a Chrage vo de alte Tradition.
Chum hend sie s`Stimmrecht öbercho
wend's eus au ofem Schwingplatz schlo.

1980: 20 Johr im sebte Hemmel

1979: Galaxy

1978: Gliichi Arbet, gliiche Lohne

Eine Lehrerin hatte endlich mal frei
da ging sie gemütlich, so ganz nebenbei
zur Justitia Grande nach Lausanne
und haute dort tüchtig auf die Pfanne
Und siehe da, den Männern zum Hohn
erhielt sie vom Richter ganz plötzlich mehr Lohn

1977: De Färnsefuessballöbertragigsboykottforz

Mir send gopfredstotz kei Kiosk, oder semmer öppe en Bank?
Ond die decke Herre vom Färnseh? Die send glaub chrank,
wenn die die Mätsch wend boykottiere,
's Färnseh ged eim scho z'schtodiere,
s' Ganze esch jo scho zom lache,
s' esch grad rächt zom Fasnacht mache

1976: Fit mit Jack

1975: Urfasnächtler lebe hoch

1974: Ringie Springie

Was hesch - hesch

1973: Pleite Geier

1972: Mozart Stadttheater Garde

1971: Schaffner

1970: 10 Johr Rotsee-Husaren

En ächte Fasnachtsnaar
Das esch de Rotseehusar.
Ganz bsunders gar,
em zähte Jubiläumsjohr

1969: Oswald Kolle

Was für Kinder ist Frau Holle,
ist für Sünder Oswald Kolle

1968: de Gaulle und Quebec

In Quebec, Pole, Kanada
muss de Charly d'Nase dinne ha.
Au i de EWG immer frecher,
dass es d'Spatze pfiffed vo de Decher.
Zwüsche De Gaulle ond Napoleon,
git's eigentlech ke Unterschied im Thron!
Was der eint eroberet mit Kanone
probiert hüt de ander mit de Schnoore

1967: BGB (Bauern- Gewerbe Partei)

Luzärner hüetid Euch im Maie,
d'Entlibucher chömid de cho schreye,
Freischare wie vor 150 Johre,
Hüt sind's BGB-Angst-Gfohre.

1966: Volksmarschrummel

1965: Mirage-Skandal

1964: Frauenturntag

1963: Eigernordwand-Rummel

1962: Dopingskandal

1961: Nikita und d`Uno

Das grosse russiche Chind
schlohd de Stiefel of e eigete Grind

1960: Teenager